Станьте участником команды «Рублева»

Феодосий Черниговский

Время жизни:
Дни памяти:
18 (5) февраля
22 (9) сентября - Обретение и перенесение мощей
Место рождения:
Тип святости:
Где мощи:
Покровитель:
Ему молятся:
Храмы:
Реликвии:
Молитвы - Феодосию Черниговскому
тропарь

глас 4: 

Преудобрен во архиереех, святителю Феодосие, был еси светило своему стаду, таже преставился еси в вечныя обители: умоли у престола Царя славы избавитися нам от находящих на ны зол и спастися душам нашым, святе, молитвами твоими. 

кондак

глас 4: 

Пастырей начальнику Христу трудился еси, святителю Феодосие, на пожити духовней, питая словесныя твоя овцы, и приял еси от Христа Спаса целебный дар целити от немощи телесныя и душевня всякаго с верою приходящаго к целебным твоим мощем. Моли, святе, о призывающих имя твое от наветов вражиих спастися душам нашым. 

молитва

О священная главо, крепкий наш молитненниче и заступниче, святителю Феодосие, услыши нас, с верою призывающих тя и усердно припадающих к раце честных и многоцелебных мощей твоих (или: иконе твоей). Поминай нас у Престола Вседержителева и не престай молитися за ны. Вемы, яко грехи наши разлучают нас между нами и тобою, и недостойни есмы толикаго отца и ходатая. Но ты, быв подражатель человеколюбия Божия, не престани вопия о нас ко Господу, испроси предстательством твоим у Всемилостивейшаго Бога нашего мир Церкви Его, на земли воинствующей, пастырем ея силу ревностно подвизатися о спасении людей. Умоли Небеснаго Отца всем нам подати дар, коемуждо благопотребен, веру истинную, надежду твердую и любовь неоскудевающую, градов наших утверждение, мира умирение, от глада и пагубы избавление, от нашествия иноплеменников сохранение, юным и младенцем благое в вере возрастание, старым и немощным утешение и подкрепление, болящим исцеление, сиротам и вдовицам милость и заступление, заблуждшим исправление, бедствующим благовременную помощь. Не посрами нас в уповании нашем, споспешествуй, яко отец чадолюбивый, и нам понести иго Христово во благодушии и терпении, и всех управи в мире и покаянии непостыдно скончати живот свой и Царствия Божия наследником быти, идеже ты ныне водворяешися со Ангелы и всеми святыми, прославляя Бога, в Троице славимаго, Отца и Сына и Святаго Духа. Аминь.

29
Пнд
2017