Станьте участником команды «Рублева»

Антипасха и Радоница

    Тип праздника:
    Тип по типикону:
    Дата праздника:
    23 (10) апреля
    Переходящий праздник
    молитва

    Панихида по пасхальному чину в храме или на кладбище

    Диакон: Благослови, владыко.
    Священник: Благословен Бог наш:
    Хор: Аминь.
    Священник и диакон: Христос воскресе из мертвых, смертию смерть поправ, и сущим во гробех живот даровав (трижды).
    Хор: Христос воскресе из мертвых, смертию смерть поправ, и сущим во гробех живот даровав (трижды).
    Священник: 1-й стих. Да воскреснет Бог, и расточатся врази Его.  (Совершается полное каждение храма; если же на кладбище, — то ближайших могил.)
    Хор: Христос воскресе из мертвых, смертию смерть поправ, и сущим во гробех живот даровав (1 раз).
    Священник: 2-й стих. Яко исчезает дым, да исчезнут.
    Хор: Христос воскресе из мертвых, смертию смерть поправ, и сущим во гробех живот даровав (1 раз).
    Священник: 3-й стих. Тако да погибнут грешницы от лица Божия, а праведницы да возвеселятся.
    Хор: Христос воскресе из мертвых, смертию смерть поправ, и сущим во гробех живот даровав (1 раз).
    Священник: 4-й стих. Сей день, егоже сотвори Господь, возрадуемся и возвеселимся вонь.
    Хор: Христос воскресе из мертвых, смертию смерть поправ, и сущим во гробех живот даровав (1 раз).
    Священник: Слава Отцу и Сыну и Святому Духу
    Хор: Христос воскресе из мертвых, смертию смерть поправ, и сущим во гробех живот даровав (1 раз).
    Священник: И ныне и присно и во веки веков, аминь.
    Хор: Христос воскресе из мертвых, смертию смерть поправ, и сущим во гробех живот даровав (1 раз).
    Священник: Христос воскресе из мертвых, смертию смерть поправ.
    Хор: И сущим во гробех живот даровав.
    Хор: Господи, помилуй.
    Диакон: О свышнем мире и спасении душ наших, Господу помолимся.
    Хор: Господи, помилуй.
    О оставлении согрешений, во блаженней памяти преставльшихся, Господу помолимся.
    Хор: Господи, помилуй.
    О приснопамятных рабех Божиих , покоя, тишины́, блаженныя памяти их, Господу помолимся.
    Хор: Господи, помилуй.
    О простити им всякое прегрешение вольное и невольное, Господу помолимся.
    Хор: Господи, помилуй.
    О неосужденным предстати у страшнаго престола Господа славы, Господу помолимся.
    Хор: Господи, помилуй.
    О плачущих и болезнующих, чающих Христова утешения, Господу помолимся.
    Хор: Господи, помилуй.
    О отпуститися им от всякия болезни, печали, и воздыхания: и вселити их идеже присещает свет лица Божия, Господу помолимся.
    Хор: Господи, помилуй.
    О яко да Господь Бог наш учинит души их в месте светле, в месте злачне, в месте покойне, идеже вси праведнии пребывают, Господу помолимся.
    Хор: Господи, помилуй.
    О причтении их в недрех Авраама, и Исаака, и Иакова, Господу помолимся.
    Хор: Господи, помилуй.
    О избавитися нам от всякия скорби, гнева и нужды, Господу помолимся.
    Хор: Господи, помилуй.
    Заступи, спаси, помилуй и сохрани нас, Боже, Твоею благодатию.
    Хор: Господи, помилуй.
    Милости Божия, Царства Небеснаго, и оставления грехов испросивше тем и сами себе, друг друга, и весь живот наш Христу Богу предадим.
    Хор: Тебе, Господи.
    Возглас: Яко Ты еси воскресение и живот, и покой усопших раб Твоих, [имярек], Христе Боже наш, и Тебе славу возсылаем, со безначальным Твоим Отцем, и пресвятым и благим и животворящим Твоим Духом, ны́не и присно, и во веки веков.
    Хор: Аминь.

    Хор: Воскресения день, просветимся, людие. Пасха, Господня Пасха: от смерти бо к жизни, и от земли к небеси, Христос Бог нас преведе, победную поющия.
    Священник и диакон (припев): Христос воскресе из мертвых.
    Хор (повторяет припев): Христос воскресе из мертвых.
    Священник и диакон: Упокой, Господи, души усопших раб Твоих.
    Хор (повторяет припев): Упокой, Господи, души усопших раб Твоих.
    Священник и диакон: Слава Отцу и Сыну и Святому Духу.
    Хор: И ныне и присно и во веки веков. Аминь.

    Хор: Приидите пиво пием новое, не от камене неплодна чудодеемое, но нетления источник, из гроба одождивша Христа, в Немже утверждаемся.
    Священник и диакон (припев): Христос воскресе из мертвых.
    Хор (повторяет припев): Христос воскресе из мертвых.
    Священник и диакон: Упокой, Господи, души усопших раб Твоих.
    Хор (повторяет припев): Упокой, Господи, души усопших раб Твоих.
    Священник и диакон: Слава Отцу и Сыну и Святому Духу.
    Хор: И ныне и присно и во веки веков. Аминь.

    Хор: На божественней стражи, богоглаголивый Аввакум да станет с нами и покажет светоносна ангела, ясно глаголюща: днесь спасение миру, яко воскресе Христос, яко Всесилен.
    Священник и диакон (припев): Христос воскресе из мертвых.
    Хор (повторяет припев): Христос воскресе из мертвых.
    Священник и диакон: Упокой, Господи, души усопших раб Твоих.
    Хор (повторяет припев): Упокой, Господи, души усопших раб Твоих.
    Священник и диакон: Слава Отцу и Сыну и Святому Духу.
    Хор: И ныне и присно и во веки веков. Аминь.

    Хор: Утренюем утреннюю глубоку, и вместо мира песнь принесем Владыце, и Христа узрим правды солнце, всем жизнь возсияюща.
    Священник и диакон (припев): Христос воскресе из мертвых.
    Хор (повторяет припев): Христос воскресе из мертвых.
    Священник и диакон: Упокой, Господи, души усопших раб Твоих.
    Хор (повторяет припев): Упокой, Господи, души усопших раб Твоих.
    Священник и диакон: Слава Отцу и Сыну и Святому Духу.
    Хор: И ныне и присно и во веки веков. Аминь.

    Хор: Снизшел еси в преисподняя земли и сокрушил еси вереи вечныя, содержащия связанныя Христе, и тридневен, яко от кита Иона, воскресл еси от гроба.

    Диакон: Паки и паки миром Господу помолимся.
    Хор: Господи, помилуй.
    Еще молимся о упокоении душ усопших рабов Божиих, и о еже проститися им вся́кому прегрешению, вольному же и невольному.
    Хор: Господи, помилуй.
    Яко да Господь Бог учинит души их, идеже праведнии упокоя́ются.
    Хор: Господи, помилуй.
    Милости Божия, Царства Небеснаго и оставления грехов их, у Христа, безсмертнаго Царя и Бога нашего, просим.
    Хор: Подай, Господи.
    Возглас: Яко Ты еси воскресение и живот, и покой усопших рабов Твоих, Христе Боже наш, и Тебе славу возсылаем, со безначальным Твоим Отцем, и пресвятым и благим и животворя́щим Твоим Духом, ныне и присно, и во веки веков.
    Хор (после возгласа): Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.

    Аще и во гроб снизшел еси, Безсмертне, но адову разрушил еси силу и воскресл еси, яко победитель, Христе Боже, женам мироносицам вещавый: радуйтеся, и Твоим апостолом мир даруяй, падшим подаяй воскресение.

    Хор: Отроки от пещи избавивый, быв человек, страждет яко смертен, и страстию смертное в нетления облачит благолепие, Един благословен отцев Бог и препрославлен.
    Священник и диакон (припев): Христос воскресе из мертвых.
    Хор (повторяет припев): Христос воскресе из мертвых.
    Священник и диакон: Упокой, Господи, души усопших раб Твоих.
    Хор (повторяет припев): Упокой, Господи, души усопших раб Твоих.
    Священник и диакон: Слава Отцу и Сыну и Святому Духу.
    Хор: И ныне и присно и во веки веков. Аминь.

    Хор: Сей нареченный и святый день, един суббот царь и господь, праздников праздник, и торжество есть торжеств: воньже благословим Христа во веки.
    Священник и диакон (припев): Христос воскресе из мертвых.
    Хор (повторяет припев): Христос воскресе из мертвых.
    Священник и диакон: Упокой, Господи, души усопших раб Твоих.
    Хор (повторяет припев): Упокой, Господи, души усопших раб Твоих.
    Священник и диакон: Слава Отцу и Сыну и Святому Духу.
    Хор: И ныне и присно и во веки веков. Аминь.

    Хор: Светися, светися новый Иерусалиме, слава бо Господня на тебе возсия. Хоруй ныне и веселися, Сионе. Ты же, Чистая, красуйся. Богородице, о востании Рождества Твоего.

    Диакон: Паки и паки миром Господу помолимся.
    Хор: Господи, помилуй.
    Еще молимся о упокоении душ усопших рабов Божиих [имярек], и о еже проститися им вся́кому прегрешению, вольному же и невольному.
    Хор: Господи, помилуй.
    Я́ко да Господь Бог учинит ду́ши их, идеже праведнии упокоя́ются.
    Хор: Господи, помилуй.
    Милости Божия, Царства Небеснаго и оставления грехов их, у Христа, безсмертнаго Царя́ и Бога нашего, просим.
    Хор: Подай, Господи.
    Возглас: Яко Ты еси воскресение и живот, и покой усопших рабов Твоих, Христе Боже наш, и Тебе славу возсылаем, со безначальным Твоим Отцем, и пресвяты́м и благим и животворя́щим Твоим Ду́хом, ны́не и присно, и во веки веков.
    Хор: Господи, помилуй

    Хор (ексапостиларий): Плотию уснув, яко мертв, Царю и Господи, тридневен воскресл еси, Адама воздвиг от тли, и упразднив смерть: Пасха нетления, мира спасение.

    Стих: Да воскреснет Бог, и расточатся врази Его.
    Пасха священная нам днесь показася: Пасха нова святая, Пасха таинственная, Пасха всечестная, Пасха Христос Избавитель, Пасха непорочная, Пасха великая, Пасха верных, Пасха двери райския нам отверзающая, Пасха всех освящающая верных.
    Стих: Яко исчезает дым, да исчезнут.
    Приидите от видения жены благовестницы, и Сиону рцыте: приими от нас радости благовещения воскресения Христова; красуйся, ликуй и радуйся, Иерусалиме, Царя Христа узрев из гроба яко жениха, происходяща.
    Стих: Тако да погибнут грешницы от лица Божия, а праведницы да возвеселятся.
    Мироносицы жены, утру глубоку, представша гробу Живодавца, обретоша ангела, на камени седяща, и той провещав им сице глаголаше: что ищете Живаго с мертвыми? Что плачете Нетленнаго во тли? Шедше проповедите учеником Его.
    Стих: Сей день, егоже сотвори Господь, возрадуемся и возвеселимся в онь.
    Пасха красная, Пасха, Господня Пасха! Пасха всечестная нам возсия! Пасха! Радостию друг друга обымем. О Пасха!
    Избавление скорби, ибо из гроба днесь яко от чертога возсияв Христос, жены радости исполни глаголя: проповедите апостолом.

    Слава Отцу и Сыну и Святому Духу, и ныне и присно и во веки веков, аминь. Воскресения день, и просветимся торжеством, и друг друга обымем. Рцем, братие, и ненавидящим нас, простим вся воскресением, и тако возопиим: Христос воскресе из мертвых, смертию смерть поправ и сущим во гробех живот даровав.

    Хор (тропари, глас 4): Со духи праведных скончавшихся, души рабов Твоих, Спасе, упокой, сохраняя их во блаженной жизни, яже у Тебе, Человеколюбче.
    В покоищи Твоем, Господи, идеже вси святии Твои упокоеваются, упокой и души рабов Твоих, яко един еси Человеколюбец.
    Слава Отцу и Сыну и Святому Духу: Ты еси Бог сошедый во ад, и узы окованных разрешивый, Сам и души рабов Твоих упокой.
    И ныне и присно и во веки веков, аминь. Едина чистая и непорочная Дево, Бога без семене рождшая, моли спастися душам их.

    Диакон: Помилуй нас, Боже, по велицей милости Твоей, молим Ти ся, услыши и помилуй.
    Хор: Господи, помилуй, трижды.
    Еще молимся о упокоении души усопших рабов Божиих, и о еже проститися им всякому прегрешению, вольному же и невольному.
    Хор: Господи, помилуй (трижды).
    Яко да Господь Бог учинит души их, идеже праведнии упокояются.
    Хор: Господи, помилуй (трижды).
    Милости Божия, Царства Небеснаго и оставления грехов их у Христа, безсмертнаго Царя и Бога нашего, просим.
    Хор: Подай, Господи.

    Диакон: Господу помолимся.
    Хор: Господи, помилуй.
    Возглас: Яко Ты еси воскресение и живот, и покой усопших раб Твоего Христе Боже наш, и Тебе славу возсылаем, со безначальным Твоим Отцем, и пресвятым и благим и животворящим Твоим Духом, ныне и присно, и во веки веков.
    Хор: Аминь.
    Диакон: Премудрость.
    Хор: Христос воскресе из мертвых, смертию смерть поправ, и сущим во гробех живот даровав (трижды).

    Священник (отпуст со крестом): Христос, воскресый из мертвых, смертию смерть поправый и сущим во гробех живот даровавый, истинный Бог наш, молитвами Пречистыя Своея Матере и всех святых Своих, души от нас преставльшихся раб Своих (имена) в селениих святых вселит, и с праведными причтет, и нас помилует, яко Благ и Человеколюбец.
    Хор: Аминь.
    Священник, осеняя верующих крестом, говорит: Христос воскресе (трижды).

    Священник, — если на кладбище, то после осенения крестом предстоящих осеняет еще трижды могилы, говоря: Христос воскресе (трижды).

    Диакон: Во блаженном успении вечный покой подаждь, Господи, усопшим рабам Твоим и сотворим им вечную память.
    Хор: Вечная память (трижды). Христос воскресе из мертвых, смертию смерть поправ, и сущим во гробех живот даровав (трижды).
    И нам дарова живот вечный, покланяемся Его тридневному воскресению.

    Священник при окончании панихиды дает верующим крест для лобзания.

    25
    Суб
    2017