Станьте участником команды «Рублева»

cross
Главная / Молитвы / Молитвослов / О помощи в беде / О тюремных священнослужителях

О тюремных священнослужителях

молитва

Господи Иисусе Христе Боже наш, пришедый призвати грешныя к покаянию, проповедати плененным отпущение и лето Господне благоприятное, услыши рабов Твоих тюремных пастырей, церковных учителей и наставников и всех православных христиан узникам служащих, во еже в терпении и духовном рассуждении семена веры Евангельския сеяти и к покаянию и исправлению жития кающихся в заключении наставляти. Да навыком добродетели предобучение в темнице прошедше, не во зло обратят к свободе от уз своих разрешение. Боже Великий и Всемилостивый, воззри на пажити сердец человеческих, в темнице томящихся, от ветра злоучения, страстей и похотей колеблемых, даруй им обращение к Тебе и на камени веры жительство их незыблимо сотвори. Нас же, Тебе молящися, в делех христианской любви, благотворения и общения укрепи, да к пользе своей и ближних неленостно подвизатися возможем. Благодетелей и жертвователей и всех содействующих делу тюремнаго служения милостию Твоею ущедри и ко спасению приведи, во еже труды всех нас во славу Твою благоуспешны и совершенны Твоею благодатию явятся и Имя Твое Святое от всех и во всех прославится, ныне и присно и во веки веков. Аминь.

9
Птн
2016