Если человек не будет замечать пороков ближнего, то с помощью Божиею рождается в нем добросердечие, которым благоугождается Бог
Что легко для тела, то неполезно для души, а что полезно для души, то трудно для тела
Если сердце холодно и молитва не идет, — обратиться к Евангелию; если не поможет — раскрыть любимого св. отца; такой «друг-святой» должен быть у каждого
Тропарь преподобного Льва, епископа Катанского, глас 4
Правило веры и образ кротости,/ воздержания учителя,/ яви тя стаду твоему,/ яже вещей истина,/ сего ради стяжал еси смирением высокая,/ нищетою богатая,/ отче Льве,/ моли Христа Бога/ спастися душам нашим.
Кондак преподобного Льва, епископа Катанского, глас 8
Якоже светильника превелика, Церковь имать, всеблаженне,/ тебе, паче солнца сияюща,/ юже твоими молитвами сохрани, блаженне,/ непобедиму, и непоколебиму от ереси всякия, и нескверну,// яко приснопамятный.
Тропарь святого благоверного князя Ярослава Мудрого, глас 4
Яко благочестиваго корене пречестная отрасль был еси, благоверне княже Ярославе, добре во благочестии пожив, веру непорочну соблюл еси, и храм пречуден Премудрости Божия в стольном граде Киеве устроив, ныне на Небесех предстоиши Престолу Святыя Троицы, молися ниспослати нам велию и богатую милость.
Кондак святого благоверного князя Ярослава Мудрого, глас 4
Измлада явился еси, богомудре Ярославе, Божественный сосуд избран Богови, во благочестии жительствовавши, многия святыя церкви устроил еси; темже похваляем тя, княже наш, яко народу твоему ты еси удобрение, Киеву – слава и всей Русстей земли – утверждение.
Тропарь преподобномученика Корнилия Псково-Печерского, глас 6
Псково-Печерская обитель,/ издревле славная чудесы иконы Богоматерни,/ многия иноки Богови воспита,/ тамо и преподобный Корнилий/ подвигом добрым подвизася,/ чудную Богоматерь славя,/ иноверныя просвещая,/ иноки и многия люди спасая,/ обитель же свою дивно украшая и ограждая./ Тамо и мученичества венец/ по многих летех пастырства своего доблестне прият./ Темже воспоим, людие,/ Христа Бога и Пречистую Его Матерь возблагодарим,/ яко даров а нам преподобномученика славна/ и молитвенника о душах наших достоблаженна.
Кондак преподобномученика Корнилия Псково-Печерского, глас 4
Светлый светильник Православия/ и сугубая/ Псковския земли защита был еси,/ многобожие искореняя и люди к Богу наставляя./ Дом Богоматери тобою укрепися и прославися,/ добродетельми же украшен, венец мученика приял еси,/ поминай нас, чад твоих, и у Господа, преподобномучениче Корнилие.